En yrkesdykker er aktiv, nøyaktig og har gode samarbeidsevner. Det er ein fordel om du er praktisk innstilt, likar utfordringar og er villig til å ta initiativ. Ein yrkesdykkar er først og fremst ein fagperson som gjer arbeid under vatn.

Teoriundervisninga skjer i klasserom og gjennom praktisk dykking. Dei praktiske øvingane startar i basseng innandørs og held fram med øvingar i sjø frå landbaserte dykkepostar og frå fartøy. Kurset startar til hausten.







På dykkerutdanninga lærer du mange ulike dykkemetodar og former for undervassarbeid. Du lærer korleis du skal fungere i eit dykkarlag, og får opplæring i dei fleste former for yrkesdykking.

Du får òg lære om dykkefysikk, fysiologi, dykkemedisin, førstehjelp, dekompresjon, utstyrslære, regelverk, HMS, sjømannskap, søkemetodar og dykkeleiing.

Du vil også lære om anleggsarbeid, undervass-sprenging, varmearbeid, berging og legging av røyr, havbruk og allmennfag.

• Fagskulegrad yrkesdykking, 60 studiepoeng
• Grunnleggande inspeksjonsdykking
• Grunnleggande anleggsdykking og rørlegging
• Teoridel sprenging under vatn
• Brenning og sveising under vatn
• Berging
• Dykking innan havbruk
• Dykking med Nitrox som pustegass
• Dykkebevis B, grunnleggande tryggleiksopplæring
• Dykkesertifikat Klasse 1, Petroleumstilsynet
• IDSA Level 3 (Surface Supplied Offshore Air Diver)
• Sertifikat varmearbeid
• HMS-kurs, 40 timar

Som yrkesdykkar er du involvert i for eksempel anleggs- og inspeksjonsarbeid, røyrleidningar, olje- og gassinstallasjonar, berging ved skips­forlis, dykking innan havbruk, registrering av marinarkeologiske funn og servicearbeid på skip.

Yrkesdykkinga i Noreg har to retningar, dykking innanskjers og dykking i Nordsjøen. Dykker­utdanninga ved Høgskulen på Vestlandet er aleine i Noreg om å tilby fagskuleutdanning med formelle eksamenar for dykkarar og dykkarpersonell.

Du kan ta eitårig utdanning som yrkesdykkar, eller kurs av kortare varigheit, t.d. i rednings­dykking. Søkarar må vere fylt 18 år, og det er ikkje nødvendig med erfaring fra dykking.